KENYA: Naibu Gavana Charles Kipngok afariki akiwa ndani ya ndege

Gavana wa Kaunti ya Baringo, Benjamin Cheboi amethibitisha kufo cha Naibu Gavana wa Kaunti ya Baringo nchini Kenya, Charles Kipng’ok amabye amefariki dunia muda mfupi kabla ya ndege kupaa katika Uwanja wa Ndege wa Kimataifa wa Jomo Kenyatta (JKIA) kuelekea Mombasa

Shirika la ndege la Kenya Airways limethibitisha kuwa abiria aliepata matatizo alipokuwa akipanda ndege amefariki.

Katika taarifa ya jumatano Kenya Airways ilisema abiria huyo alitangazwa kuwa amefariki katika uwanja wa kimataifa wa Jomo Kenyatta (JKIA)ndege hiyo ilikuwa ikielekea Mombasa ikiwa bado ipo ardhini.

"Kenya Airways PLC inasikitika kutangaza kuwa abiria aeliepata matatizo ya kupumua jioni hii alipokuwa akipanda KQ612 ambayo iliratibiwa kuondoka hadi mombasa saa 1900.Abiria huyo alitangazwa kuwa amefariki na wafanyakazi wa matibabu katika uwanja wa JKIA wakati ndige ilikuwa angali chini"Ilisema taarifa ya Kenya Airways.