Leo Septemba 24, 2022 Jeshi la Polisi mkoani Dar es salaam limetangaza kuwakamata Watuhumiwa wengine 167 wanaotuhumiwa kujihusisha na uhalifu wa kuvunja nyumba usiku wa manene kuanzia majira ya saa sabaa huku wakijeruhi Watu kwa kutumia silaha za jadi kama mapanga, nondo na visu na kupora mali mbalimbali za wakazi wa jiji la Dar Es Salaam.
Kupitia kauli ya Kamishna wa Operesheni na Mafunzo Nchini, Awadh Haji amesema kuwa Watuhumiwa hao waliokamatwa ambao idadi yao jumla ni 167 wamegawanyika katika makundi ambapo kuna wanaovunja na kupora na kundi linalopokea na kununua mali hizo za wizi.
Kundi la watuhumiwa hao umri wao unaanzia miaka 14-30, ameongeza kuwa “wamekamata mali zilizoibwa maeneo mbalimbali ya Dar es salaam zikiwemo.
- TV flat screen 23.
- Radio subwoofer mbili
- computer desktop mbili.
- spika mbili za Subwoofer.
Watuhumiwa wamekutwa na mapanga 19, mikasi minne, jeki mbili na vifaa vya kuvunjia pia yamekamatwa magari matatu aina ya Toyota Carina namba T 314 BVY, Toyota Noah 218 BYS, Toyota Noah T 260 BEP na pikipiki 5 amesema Kamishna Awadh Haji.
0 Maoni