Jude Bellingham
Kiungo wakati wa England na Borussia Dortmund Jude Bellingham, 19, ambaye amehusishwa na uhamisho wa kwenda Liverpool, analengwa na Real Madrid na huenda wakamsajili msimu ujao wa uhamisho. (Marca)
Newcastle United wanafikiria kuwasilisha dau la pauni milioni 50 kumnunua winga wa Shakhtar Donetsk na Ukraine Mykhaylo Mudryk, 21. (the i)
Mkurugenzi wa kiufundi wa AC Milan Paulo Maldini anasema mshambuliaji wa Ureno Rafael Leao, 23, ambaye amehusishwa na kuhamia Chelsea, anajua mustakabali wake uko katika klabu hiyo ya Serie A licha ya matatizo ya uhamisho wa awali kuathiri mazungumzo ya kuongeza mkataba wake San Siro
Rafael Leao
Chelsea wanapanga kuongeza ofa ya msimu wa joto waliyotoa kwa mlinzi wa Inter Milan na Uholanzi Denzel Dumfries hadi euro 50m (£44.5m), lakini watakuwa tayari kumtoa kwa mkopo mchezaji huyo mwenye umri wa miaka 26 katika klabu hiyo ya Serie A kwa miezi sita iwapo mkataba huo utafanyika. inapitia Januari. (Corriere dello Sport - kwa Kiitaliano)
Beki wa zamani wa PSV Eindhoven, Dumfries anasema ripoti kuwa anasakwa na Chelsea na Manchester United "kunanipendeza" lakini analenga kurejesha taji la Serie A akiwa na Inter. (De Telegraaf, kupitia Express)
Denzel Dumfries
Manchester United wanamfuatilia kwa karibu mlinda mlango wa Aston Villa wa Argentina Emiliano Martinez, 30. (Football Insider)
Inter Milan haijapiga hatua yoyote katika mazungumzo ya kuongezwa muda wa Milan Skriniar, ambaye mkataba wake unakamilika msimu ujao wa joto, kwa hivyo Paris St-Germain wanaweza kumnunua mlinzi huyo wa Slovakia, 27, katika kipindi cha uhamisho wa majira ya baridi kali. (La Gazzetta dello Sport - kwa Kiitaliano)
Real Madrid inapanga kumrejesha winga wa Uhispania Brahim Diaz, 23, ambaye zamani alikuwa Manchester City, kutoka kwa muda wa mkopo katika klabu ya AC Milan ili kuchukua nafasi ya Marco Asensio, 26, mkataba wake utakapokamilika msimu ujao. (Football Espana)
Brahim Diaz
Asensio tayari amesaini mkataba wa awali na mahasimu wa Real Barcelona ambao utadumu kwa miaka minne kuanzia msimu ujao wa joto. (RAC1, kupitia Bild)
Liverpool haijapinga uwezekano wa kumnunua kiungo wa kati wa Benfica na Argentina Enzo Fernandez, 21, ambaye ana kipengee cha kutolewa cha euro 120m (£106.5m) katika kandarasi yake. (O Jogo kupitia Liverpool Echo)
Barcelona na Liverpool wana nia ya kubadilishana wachezaji, huku mshambuliaji wa zamani wa Uholanzi wa Manchester United Memphis Depay, 28, akielekea Anfield na Mbrazil Roberto Firmino, 30, kuchukua nafasi yake Nou Camp. (Sport)
Roberto Firmino
Beki wa Ubelgiji Jason Denayer, 27, ambaye alihusishwa na Wolves msimu huu wa joto, amejiunga na Shabab Al-Ahli ya UAE kwa mkataba wa mwaka mmoja baada ya kuondoka Lyon mwishoni mwa msimu uliopita. (L'Equipe - kwa Kifaransa)
Mchezaji raia mwenza wa Senegal Sadio Mane Salif Diao anasema mshambuliaji huyo wa Bayern Munich mwenye umri wa miaka 30 alishinikiza kuhama kutoka Liverpool msimu wa joto kwa sababu "hakuwa na upendo ambao alihitaji" kutoka kwa meneja Jurgen Klopp. (Liverpool Echo)
Sedio mane
0 Maoni