Burkina Faso: Umoja wa Afrika (AU) umelaani mapinduzi

Kapteni wa jeshi Burkina Faso Ibrahim Traore

Umoja wa Afrika(AU), umelaani mabadiliko ya serikali kinyume na katiba nchini Burkina Faso, baada ya maafisa wa ngazi za chini kumpindua Luteni-Kanali Paul-Henri Sandaogo Damiba ambaye naye Januari 24, 2022 alimpindua Rais mteule, Roch Marc Christian Kabore.

The Chairperson of the African Union Commission @AUC_MoussaFaki unequivocally condemns the second takeover of power by force in Burkina Faso.
@ https://t.co/g8HWTu6UVT pic.twitter.com/biLIlEqXJH

— African Union (@_AfricanUnion) October 1, 2022

Nchi hiyo, sasa itakuwa chini ya Kapteni Ibrahim Traore (34), ambaye amevunja Serikali, kusimamisha na kuweka katiba ya mpito huku akisema wamemuondoa Damiba baada ya kushindwa kukabiliana na uasi unaozidi kuota mizizi kinyume na ahadi zake za kuifanya nchi kuwa salama.

• Burkina Faso: Maafisa wa Jeshi Wafanya Mapinduzi ya Kuung’oa Utawala wa Kijeshi

Mkuu wa Umoja wa Afrika, Moussa Faki Mahamat alisema ana wasiwasi mkubwa kuhusu kuzuka upya kwa watu waliofukuzwa kinyume na katiba nchini Burkina Faso, na kwamba kurejeshwa kwa utaratibu wa kikatiba ifikapo Julai 2024 kutafanya nchi hiyo kuwa na utulivu.

Wanajeshi waasi wa Burkina Faso, wakilinda lango la kituo cha Televisheni cha Taifa huko Ouagadougou. (Picha na AP/Sophie Garcia)

Mtawala wa zamani wa kikoloni wa Burkina Faso Taifa la Ufaransa, aliwaambia raia wake huko Ouagadougou, wanaoaminika kuwa kati ya 4,000 na 5,000, kusalia nyumbani, wakati wakitafuta namna ya kuwashughulikia huku Umoja wa Ulaya ukionyesha kusikitishwa na matukio hayo.