Mmiliki wa Lebo ya Konde Music Worldwide Rajab Abdul maarufu kama Harmonize amefafanua kuwa hajamdai kiasi chochote cha pesa msanii wake wa zamani Angelina Samson maarufu kama Anjella licha ya maneno kusambaa mtandaoni kuwa anamdai hela.
Akiandika hayo kupitia mtandao wa instagram Harmonize amedai kuwa alikutana na masanii huyo akiwa amejikatia tamaa na kuamua kumasaidia na kuongeza kuwa endapo kuna mtu anaweza kuendeleza kipaji cha binti huyo asisite kufanya hivyo.
“nilikutana na Anjella akiwa amejikatia tamaa akiwa na ndoto kichwani, sikujiangalia nina kiasi gani, niliamini kwa kuwa watu wapo wananisapoti bila kuwalipa senti tano basi watasapoti kipaji cha dada Anjella.
“Nilichoangalia ni ndoto hasa za mtoto wa kike, nimejitahidi kufanya ya uwezo wangu najua kuna wenye uwezo mkubwa kunizidi.
“Ukizingatia nimeanza juzi kama kuna anayeweza kumuendelezea kipaji chake ni faraja kwangu asisite kujitokeza, puuzia siasa zakusema sijui namdai hela sijawahi kumdai hata senti,”ameandika Harmonize.
Hivi karibuni Harmonize pia amemalizana na wasanii wake wawili Cheed na Killy baada ya wasanii hao kufikisha madai yao katika Baraza la Sanaa la Taifa (Basata).
0 Maoni