Serikali yatoa taarifa hali za majeruhi wa ajali ya ndege

Msemaji Mkuu wa Serikali, Gerson Msigwa

Msemaji Mkuu wa Serikali, Gerson Msigwa amesema majeruhi mmoja kati ya 26 wa ajali ya ndege ya Precision Air iliyotokea mjini Bukoba, bado yupo Hospitali na kwamba wengine wamepona na kuruhusiwa kurudi nyumbani

Msigwa ameyasema hayo hii leo Novemba 8, 2022 Mkoani Kagera, na kuongeza kuwa katika ajali hiyo waliokolewa walikuwa ni watu 26, waliopelekwa Hospitali 24 na wawili hawakufika kupata matibabu kwa kuwa walipata majeraha madogo.

• Majaliwa kuanza mafunzo ya zimamoto Tanga

Amesema, “Kati ya hawa Majeruhi 24 waliolazwa Hospitali, mmoja tu ndio yupo Hospitali na wengine 23 wameruhusiwa, huyu aliye Hospitali afya yake inaendelea vizuri na ataruhusiwa kurudi nyumbani baada ya afya yake kuimarika.”