Beki mkongwe Ashley Young kufanyiwa vipimo Everton

Beki mkongwe Ashley Young anatarajiwa kufanyiwa uchunguzi wa kimatibabu na Everton siku ya leo kabla ya uhamisho wake wa kuhama kwenda Goodison Park.

Mchezaji huyo mwenye umri wa miaka 38 ni mchezaji huru baada ya kuondoka Aston Villa baada ya kumalizika kwa mkataba wake msimu huu wa joto.

Kabla ya kufanya maamuzi ya kukubali kujiunga na Everton, Young alikuwa anahusishwa na mpango wa kutimkia Saudi Arabia, lakini amefanya maamuzi ya kusitisha mpango huo, ili kuendelea kucheza soka nchini kwao England.

Young anaonekana kuwa mchezaji wa kwanza kusajiliwa na klabu hiyo msimu wa joto na anatarajiwa kujiunga na kikosi cha Sean Dyche kwenye kambi ya kujiandaa na msimu mpya nchini Uswizi wiki hii, kabla ya mechi ya kirafiki dhidi ya Stade Nyonnais Ijumaa.